Acts of the Apostles (Agi dil Apostoli) in Ido: 1:1 - 1:20

Okay, I'm being lazy again and have decided to simply type up another book for the next few days. This one seems to have been printed in 1925 and the pdf is available here.

As always, the reason for this is that pdfs of scanned images can't be copied and pasted, or found by Google. For example, once this is finished it can be uploaded to Wikisource as well.

Once I'm finished this I might have the other plan in my head laid out. For the time being I'll just be typing this up until I'm done. Without the Spanish on the right side like with the last book it's even faster.

• 1.1 Me skribis mea unesma libro, ho Teofilus pri omno quon Iesu facis e docis,
• 1.2 de la komenco til la dio kande il elevesis aden la cielo, imperinte l'Apostoli, quin il elektabis (predikar l'evangelio) per la Spirito Santa.
• 1.3 Pos sua sufrado per multnombra pruvi il demonstris ad ilci esar vivanta, aparante koram ili dum quaradek dii, e parolante pri la regno di Deo.
• 1.4 E repastinte kun ili, il imperis ke li ne forirez de Ierusalem, ma expektez la promiso dal Patro, olquam vi audis (lu dicis) de mea boko.
• 1.5 Nam Ioanes ya baptis per aquo; ma vi baptesos per la Spirito Santa pos poka dii.
• 1.6 Lore l'asistanti questionis lu dicante: Sinioro, kad nuntempe vu restauros la regno di Izrael?
• 1.7 Ma lu dicis ad ili: Ne apartenas a vi savar la tempi o l'instanti quin la Patro determinis suapove;
• 1.8 ma vi recevos la forteso dil Spirito Santa venonta super vi, e vi esos testi pri me en Ierusalem, en la tota Iudea e Samaria, e til l'extremaji di la tero.
• 1.9 E pos dicir ito, il elevesis koram li, ed ula nubo celis lu de lia vidado.
• 1.10 Dum ke ili ad-ciele regardis lu desaparante, yen, du viri blanke vistizita aparis ad ili,
• 1.11 e dicis: Viri Galileana, pro quo vi duras regardar vers la cielo? Ica Iesu, qua elevesis en la cielo de inter vi, retrovenos same kam vi vidis lu acensanta ad la cielo.
• 1.12 Lore li retroiris a Ierusalem de la monto nomata dil Olivieri, qua esas apud Ierusalem ye la disto de un voyajo sabatala.
• 1.13 Ed arivinte li acensis ad la supra salono ube li lojis; t. e. Petrus e Ioanes, ed Andreas, Filipus e Tomas, Bartolomeus e Maleus, Iakobus, filio di Alfeus, e Simon la Zelero, e Iudas, fratulo di Iakobus.
• 1.14 Ici omna samvole perseveradis pregante, kun la mulieri, e Maria, la matro di Iesu, ed ilua frati.
• 1.15 Lor ica dii Petrus staceskis meze dil frati (la nombro dil personi esis cirkume cent e duadek), e dicis:
• 1.16 Viri frata, oportis ke realigesez la Skriburo quan la Spirito Santa predicabis per la boko di David pri Iudas, qua esis la guidinto di ti qui arestis Iesu.
• 1.17 Ilta esis un ek ni, e partoprenis nia ofico.
• 1.18 Ta homo aquiris agro po la salario di krimino, e falinte ad-avan, ruptesis meze dil korpo, ed omna lua intestini disvaresis.
• 1.19 E to divenis notora inter omna habitanti di Ierusalem, tale ke ca agro nomesis lialingue Hakeldama, to esas agro di sango.
• 1.20 Or, esas skribita en la Libro di Psalmi:
• "Lua habileyo divenez dezerta,
• e nulu habitez ol."
• e: "Lua oficon asumez altru."