Fugo del Tenebro: 3

Ha, nobody has any idea what I'm translating!

Reguli Dil Ludo

Tu mantenas registro di tua aventuro en la Ago-Tabelo.

Dum tua exercado kom Kai Siniori tu developabas kombatal prodeso—KOMBATO-HABILESO e korpala vigoro—DURIVESO. Ante ke tu komencas tua aventuro tu devas evaluar quale efektigiva esis la exercado. Por facar tale prenez krapono e, kun okuli klozita, indikez kun olua extremajo obtuza a punto en la Hazarda Nombro-tabelo. Se tu selektas 0 ol signifikas zero.

La unesma nombro quan tu selektas tale del Hazarda Nombro-tabelo reprezentas tua KOMBATAL HABILESO. Adjuntez 10 a la nombro quan tu selektis e skribez la sumo en la KOMBATO-HABILESO loko di tua Ago-Tabelo. (p.e. se tua krayono falis a la nombro 4 en la Hazarda Nombro-Tabelo tu skribus 14 por la KOMBATAL HABILESO.) Kande tu luktas, tua KOMBATO-HABILESO opozesas kontre olta di tua enemiko. Do, alta nombro en ica loko esas tre dezirinda.

La duesma nombro quan tu selektas del Hazarda Nombro-tabelo reprezentas tua DURIVESO. Adjuntez 20 ad ica nombro e skribez la sumo en la DURIVESO loko di tua Ago-Tabelo. (p.e. su tua krayono falis a la nombro 6 en la Hazarda Nombro-Tabelo tu havus 26 punti di DURIVESO.)

Se tu vundesas dum kombato tu perdos punti di DURIVESO. Irgatempe kande tua punti di DURIVESO falas a zero punti o plu infre, tu mortas e la aventuro esas finita. Perdita punti di DURIVESO povas riganesar dum la aventuro, ma la nombro di punti di DURIVESO nultempe povas divenar plu alta kam la nombro kande tu komencis tua aventuro.