Fugo del Tenebro: 7

Equipaji

Tu vestizesas en la verda tuniko e mantelo di komencanto di Kai. Tu havas poka kozi por armigar tu por tua trans-vivo.

Omno quon tu posedas esas Hakilo (notez ol sub Armi en tua Ago-Tabelo) e dorsopako qua kontenas 1 Repasto (notez ol sub Repasti en tua Ago-Tabelo). Pendita de tua tayo esas saketo ek ledro qua kontenas Ora Kroni. Por trovar quanta Kronin tu havas, selektez nombro del Hazarda Nombro-tabelo. Ica nombro esas la quanto di Ora Kroni quin tu posedas en la komenco di tua aventuro. (Notez la nombro en la Rimeno-Saketo loko dil Ago-Tabelo.)

Tu deskovresas inter la ruinaji fumanta dil monakeyo un Mapo di Sommerlund (notez ol sub Specala Utensili en la Ago-Tabelo) qua montras la chefurbo Holmgard e la lando di Durenor, en la fora esto. To pozis la Mapo aden tua tuniko por olun konservar.

Tu trovis anke un ek la sequanta:

• 1 = Espado (Armi)
  
  
• 2 = Helmo (Specala Utensili). Ico adjuntas 2 punti di DURIVESO a tua sumo.
  
  
• 3 = Du Repasti (Repasti)
  
  
• 4 = Kuraso por Tayo (Specala Utensili). Ico adjuntas 4 punti di DURIVESO a tua sumo.
  
  
• 5 = Mazo (Armi)
  
  
• 6 = Pociono di Risanigo (Utensilo di Rimeno-sako). Ico restauras 4 punti di DURIVESO a tua sumo, kande tu drinkas ol pos kombato. Tu havas nur sat multa por un dozo.
  
  
• 7 = Stabo (Armi)
  
  
• 8 = Lanco (Armi)
  
  
• 9 = 12 Ora Kroni (Rimeno-Saketo)
  
  
• 0 = Espadego (Armi)
  
  

Por deskovrar qua utensilon tu trovas, tu mustas selektar numbro del Hazarda Numbro-tabelo e trovar la nombro konkordanta en la listo. Notez ico en tua Ago-Tabelo, sub la titulo donata en parentezo, e notez anke irga efekto ol donas a tua punti di DURIVESO.