Kohelet (Ecclesiastes) in Ido: 10:11 - 10:18

Thanks to Robert C. for the small correction in 10:11 here.

• 10:11 Se la serpento mordas ante esar sorcata, ne esas profito por la sorcanto.
• 10:12 Paroli de la boko di sajo esas afabla, quankam la labii di stulto konsumas su ipsa;
• 10:13 la komenco di ilua parolado esas stulteso, e la fino di olu esas maligna foleso.
• 10:14 Malgre to la stulto multigas paroli. Nulu savas quo eventos, e qua povas dicar ad ilu, quo venos pos ilu?
• 10:15 La laborego di stulto fatigas ilu, tale ke ilu mem ne savas quale irar ad urbo.
• 10:16 Malediko a tu, O lando, en qua la rejo esas yunulo, e la princi di qua festinas dum la matino.
• 10:17 Tu esas felica, O lando, en qua la rejo esas nobeleso, e la princi di qua manjas ad tempo apta -- por forteso, e ne por ebrieso.
• 10:18 Pro neglijeso la trabi depresesas, e pro indolenteso la domo likas.