Kohelet (Ecclesiastes) in Ido: 2:18 - 2:26

Done chapter 2! That means there's just one left, and chapter 1 is pretty short too. Should be done in two or three days. After that the corrections will follow, and then I'll upload it to scribd.com so that it can all be viewed in a single post.

• 2:18 Do me odiis omna frukto di mea laboro en qua me laborabas sub la suno, pro ke me mustas abandonar ol a la viro qua venos pos me.
• 2:19 E qua savas kad ilu esos saja viro o stulto? Malgre to, ilu havos dominaco sur omna frukto di mea laboro, en qua me laborabas agante kun sajeso sub la suno. Ico anke esas vaneso.
• 2:20 Do me komplete desesperis de omna frukto di mea laboro en qua me laborabas sub la suno.
• 2:21 Kande esas viro qua laborabas kun sajeso, saveso e habileso, lore ilu donas sua legacajo ad unu qua ne laborabas en oli. Ico anke esas vaneso, e grandega malajo.
• 2:22 Pro ke quon aquiras viro en omna sua laboro ed en sua esforcado kun qua ilu laboras sub la suno?
• 2:23 Pro ke dum omna sua dii, ilua tasko esas penoza e severa; mem dum la nokto ilua mento ne repozas. Ico anke esas vaneso.
• 2:24 Esas nula plu bona por viro kam manjar e drinkar, e dicar a su ipsa ke sua laboro esas bona. Icon anke me vidabas, ke ico esas de la manuo di Deo.
• 2:25 Pro ke qua povas manjar e qua povas havar juado sen Ilu?
• 2:26 Pro ke a persono qua esas bona en Ilua vido Ilu donabas sajeso e saveso e joyo, ma a la pekero Ilu donabas la tasko koliar e kolektar, por ke Ilu povas donar ad unu qua esas bona en Ilua vido. Ico anke esas vaneso e persequado a vento.