Min grand proportion de usada por Internet Explorer in decembre / IE lost share to Firefox, Safari and Chrome in December

Firefox, li duesim max grand navigator in li munde.

Un traduction de un articul ci pri li plu grand usada de altri navigatores quam Internet Explorer, un tendentie quel ha continuat anc in decembre. Por nos ci in Corea, to es tre bon, nam li loces de rete in Corea ha esset creat solmen por Internet Explorer, con mult ActiveX e altri vexant trates queles ne amusa li usatores de Firefox e li altri navigatores.

Ma li max mult págines de rete in Corea remane solmen por IE, dunc li question es: quant grand deve esser li proportion de altri navigatores ante que Corea va chanjear su stil de internet? 30%? 40? To es quo yo vole saver.

E li articul:

Loces de rete videt visitatores abandonant li navigator Internet Explorer de Microsoft por Safari de Apple, Firefox de Mozilla e Chrome de Google in decembre, secun Net Applications, un companie de rete-analise.

Internet Explorer esset usat per 68.15% del usatores del rete observat in decembre, min quam li 69.77% in novembre e 71.27% in octobre. Li proportion por IE ha cadet de 75% desde li comense de 2008.

Omni Safari, Firefox e Chrome profitat de ti cade in popularitá por IE.

Li proportion de Firefox ascendet a 21.34%, de 20.78% in novembre e 19.97% in octobre, e ti de Safari a 7.93%, de 7.13% in novembre e 6.57% in octobre.

Li navigator Chrome de Google esset plu quam 1 percent por li unesim vez in li super-regarda de Net Applications, con un proportion de 1.04%, plu mult quam li 0.83% in novembre e 0.74% in octobre.

Li proportion del navigator Opera stat ne-changeat a 0.71%.

Net Applications advertit, tamen, que li min grand usada in laboreros mey ha adjuntet un partialitá a su resultates.

"Li yul-seson in decembre fortmen favorat li usada residential contra comercial. Talmen ti augmenta li proportion de usada de Mac, Firefox, Safari e li altri productes queles have un relativmen alt usada residential," it dit.