Hodie komencas la yarala renkontro di Idisti - cayaro eventas en Tübingen, Germania

Hodie esas la 19ma di agosto (o 20ma di agosto nun en Germania), qua signifikas ke la Ido-renkontro di ica yaro komencabas. Che la Germana Ido-Societo on povas vidar ke (posable ne nova chanjo, ma me recente ne vidas ca pagino) la situo chanjesas a wikio, uzante preske la sama desegno ma certe kun plu bona e rapida chanji se la administranti devas facar tale.

Tübingen aspektas tale:

e trovesas hike:


View Larger Map

e komprenende ica yaro anke me ne povis irar. Kam Kanadano qua vivas en Korea (e kun tri kati + un amikino), irar ad Europa nur por kelka dii ne esas posibla. Forsan en la venonta yaro. Por idisti en Europa esas multe plu facila, e nia amiko Anvarzhon (Johnny) dicis ke il anke iros. Pos (o dum) la renkontro ni povos vidar quale multa idisti irabas por la konfero, e kande me ton saveskos me skribos pri to hike. La mezvaloro di Idisti en tala renkontri esas 12 a 25, e pro ke irar a Tübingen en Germania esas plu facila kam Estonia, esas posibla ke multa iros cafoye.