On Latin verbs in Occidental (part 2) / pri li verbe in latin in Occidental (parte 2)

Here's the second part of the chapter on verbs from here translated from English into Occidental. It seems to me that a detailed textbook on Latin written in Occidental could concentrate on the following areas:

• First on how Latin words correspond to those in Occidental (teaching the students how to derive terms in one language from another)
• Then concentrate on the most frequent words that don't exist in Occidental, like vix, etiam, ludus, etc.
• After that almost all vocabulary in the nominative should be quite easy to learn, so the next step is to concentrate on cases and syntax, which would probably become the focus of the rest of the book. Introduce one case, show a ton of examples in a written piece, introduce another case, show another ton of examples through another written piece, and continue in that fashion. By then the students should be able to read some pretty interesting pieces in simple Latin on mythology, Roman history, etc.
  

Usar li dictionarium

Omni substantives es dat in li nominativ, con li declination e génere del substantive. Verbes es alfabetisat con li unesim person singulari, e anc li infinitive es dat. Suplementari principal partes es dat si li altri principal partes ne seque li normal modelle de formation del infinitive e unesim person singulari.

Conjugation

Li present ínperfect es li max simplic témpore. Por formar li present ínperfect on deve solmen metter li finales personal al fine del radice del verbe.

Dunc, si on have li radice 'ama' (identic a 'ama' in Occidental), on posse changear it a 'yo ama' con un ō al fine.

Yo ama  =  amō (amaō*)
Noi ama =  amāmus

• Latin perdi li 'a' in amaō in li formation de amō.

In latin on posse adjuntar pronómines personal, ma solmen por adjuntar emfase e in conjuntion con li respectiv finale personal al verbe. Altrimen li frase deveni nonsense. Por exemple:

ego amō = Yo (ne tu) ama

nōs amāmus = Noi (ne vu) ama

ma to es por emfase special.

Vi li formes del verbe 'porta' (portar in Occidental) in li present ínperfect témpore:

portō     yo porta                    unesim person singulari
portās    tu porta                    duesim person singulari
portat    il, ella, it porta          triesim person singulari
portāmus  noi porta                   unesim person plural
portātis  vu porta                    duesim person plural
portant   ili porta                   triesim person plural

Porta e ama es verbes del 1im conjugation; to es, verbes con un radice quel fini in 'a'.

Existe tri altri conjugationes, e in infra es alcun exemples de verbes del quar conjugationes (present ínperfect témpore):

porta, portar (1im Conj)	mone, advertir (2im Conj)	rege, reyer (3im Conj.)	audī, audir (4im Conj)
portō, yo porta	moneō, yo adverti	regō, yo reye	audiō, yo audi
portās, tu porta	monēs, tu adverti	regis, tu reye	audis, tu audi
portat, il/ella/it porta	monet, il/ella/it adverti	regit, il/ella/it reye	audit, il/ella/it audi
portāmus, noi porta	monēmus, noi adverti	regimus, noi reye	audimus, noi audi
portātis, vu porta	monētis, vu adverti	regitis, vu reye	auditis, vu audi
portant, ili porta	monent, ili adverti	regunt, ili reye	audiunt, ili audi

Chascun verbe usa li sam líttere(s) final por indicar li 'subjecte' - yo, tu, il/ella/it, noi, vu, ili.

Ante ti lítteres final, li unesim conjugation ha un 'a' (támen quande un 'o' es posit, li 'a' sovente desapari) , li duesim un 'e', e usualmen li triesim e quaresim ha un 'i'. Li plural del triesim person format in li conjugationes triesim e quaresim ha un 'u'. Ti formes de verbes deve esser aprendet ye memorie.

Li max comun verbe (esser) es ínregulari. Ci es un tabelle del verbe 'esser' in latin, anglesi, francesi, hispan e italian.

latin	anglesi	francesi	hispan	italian	Occidental
sum	I am	je suis	yo soy	sono	es
es	thou art	tu es	tú eres	sei	es
est	he/she/it is	il/elle est	él/ella es	è	es
sumus	we are	nous sommes	nosotros/-as somos	siamo	es
estis	ye are	vous êtes	vosotros/-as sois	siete	es
sunt	they are	ils/elles sont	ellos/-as son	sono	es

Li finales personal es identic con li quar conjugationes regulari.

Li imperativ

Li mode imperativ es un órdine, format simplicmen per usar li radice del verbe. Si li órdine es a un grand gruppe de persones, o si on vole dar respecte, on usa li sufixe -te.

amō eum = Yo ama il.

amā eum = Ama il!

amāte eum = Ama (vu) il!

currō casam = Yo curre al hem.

currā casam = Curre al hem!

currāte casam = Curre (vu) al hem!

Regō prudente = Yo reye prudentmen.

Regi prudente = Reye prudentmen!

Regite prudente = Reye (vu) prudentmen!